اسلام آباد ،وزیراعظم کے معاونِ خصوصی علی نواز اعوان نے کہا ہے کہ صرف تعلیم ہی انسان اور حیوان میں فرق کرتی ہے، تعلیم کو معاش کے ساتھ نہیں شعور کے ساتھ جوڑیں۔
ان خیالات کا اظہار انہوں جمعہ کو اسلام آباد کے نواحی گاں پنڈ بیگوال کے ایک نجی سکول میں خطاب کرتے ہوئے کیا- ہائوس آف لرننگ سکول ایک مثالی تعلیمی ادارہ ہے جہاں بچوں اور بچیوں کو مفت تعلیم بمعہ کھانا، رہائش، کتابوں وغیرہ کے ساتھ دی جاتی ہے- تقریب سے خطاب کرتے ہوئے علی نواز اعوان نے سکول انتظامیہ کی کاوشوں کو سراہا اور تعلیم کی اہمیت پر زور دیا انہوں نے کہا کہ تعلیم کو معاش کے ساتھ نہیں جوڑنا چاہیے بلکہ تعلیم شعور و آگہی کی پہلی سیڑھی ہے- انہوں نے کہا کہ ہمیشہ بڑا سوچیں اور بہتر سے بہتر کام کریں۔
