سینئر اداکار اورملکہ ترنم نورجہاں کے شوہر اعجاز درانی انتقال کر گئے

لاہور، پاکستان فلم انڈسٹری کے سینئر اداکار اعجاز درانی طویل علالت کے بعد 88 برس کی عمر میں انتقال کرگئے۔اہل خانہ کے مطابق اعجاز درانی طویل عرصے سے بیمار تھے۔ ان کی نماز جنازہ بعد نماز ظہر گارڈن ٹاون میں ادا کی جائے گی۔اعجاز درانی نے فلم ہیر رانجھا میں رانجھا کا کردار ادا کیا تھا۔اعجاز درانی کی پیدائش جلال پور جٹاں کے نواحی گاں میں 1935 میں ہوئی۔ ہدایت کار منشی دل کی فلم حمیدہ میں وہ بہ طور ساتھی اداکار متعارف ہوئے، یہ فلم 1956 میں ریلیز ہوئی۔فلم ساز داد چاند کی اردو فلم مرزا صاحباں میں بھی وہ سائیڈ ہیرو تھے۔ تاہم 1957 کی ریلیز فلم بڑا آدمی میں بطور ہیرو ان کی پہلی فلم تھی جسے ہمایوں مرزا نے ڈائریکٹ کیا۔دوستی، ہیر رانجھا، شعلے جیسی باکس آفس پر تہلکہ مچا دینے والی فلمیں بحیثیت فلم ساز اعجاز درانی کے کریڈٹ پر ہیں۔ انہوں نے پہلی شادی ملکہ ترنم نور جہاں سے اور دوسری شادی فردوس سے کی لیکن دونوں شادیاں طلاق پر ختم ہوئیں۔