Saturday, June 15, 2024
ہومشوبزمعروف بھارتی اداکاررنبیر کپور کورونا وائرس کا شکار

معروف بھارتی اداکاررنبیر کپور کورونا وائرس کا شکار

ممبئی ،معروف بالی ووڈ سٹاررنبیر کپور کورونا وائرس کا شکار ہوگئے ۔ رنبیر کپور کی والدہ نیتو کپور نے انسٹاگرام پر بیٹے کے کورونا وائرس میں مبتلا ہونے کی تصدیق کی ہے۔ 38 سالہ اداکارہ رنبیر کپور نے صحت یاب ہونے تک خود کو گھر میں قرنطینہ کر لیا ہے۔رنبیر کپور کی والدہ نیتو نے سماجی رابطے کی ویب سائٹ پر بیٹے کی صحت یابی کے حوالے سے لکھا کہ آپ سب کی تشویش اور نیک تمناوں کا شکریہ، رنبیر خود کو گھر میں قرنطینہ کیے ہوئے ہیں اور احتیاطی تدابیر پر بھی عمل کر رہے ہیں۔ یاد رہے کہ اس سے قبل رنبیر کپور کی والدہ نیتو کپور بھی کورونا وائرس میں مبتلا ہونے کے بعد صحت یاب ہو چکی ہیں۔اداکار رشی کپور اور نیتو کپور کے بیٹے رنبیر کپور نے اداکاری کا آغاز سنجے لیلا بھنسالی کی 2007 میں بننے والی فلم میں سونم کپور ساتھ کام کر کے کیا تھا۔کورونا وائرس سے متاثرہ نیتو کپور کے علاوہ بالی وڈ کے متعدد ستاروں میں امیتابھ بچن، ان کے بیٹے ابھیشک بچن اور بہو ایشوریہ رائے بھی کورونا وائرس سے صحت یاب ہونے والے اداکاروں میں شامل ہیں۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔