لاہور(سب نیوز)لاہور سمیت پنجاب بھر میں نئے تعلیمی سال کا آغاز ہوگیا، پنجاب کے 48 ہزار سکولوں میں نیا تعلیمی سال شروع ہونے کے باوجود طلبہ کو تاحال مفت کتابیں نہیں مل سکیں۔
اس وجہ سے طالب علم کتابوں کے بغیر ہی اسکول آنے پر مجبور ہیں، پنجاب ٹیکسٹ بک بورڈ مفت کتابیں شائع کر کے سرکاری سکولوں میں تقسیم کرتا ہے۔
امتحانات کے نتائج آنے سے پہلے مفت کتابیں اسکولوں میں پہنچا دی جاتی ہیں۔ رواں برس شروع ہونے والے نئے تعلیمی سال میں تاحال کسی بھی سرکاری اسکول میں نیا کورس نہیں پہنچ سکا۔
