Saturday, June 15, 2024
ہومبریکنگ نیوزوزیر اعظم شہباز شریف سے بیلا روس کے وزیر خارجہ سرگئی ایلینک کی ملاقات

وزیر اعظم شہباز شریف سے بیلا روس کے وزیر خارجہ سرگئی ایلینک کی ملاقات

لاہور: وزیراعظم شہباز شریف سے بیلاروس کے وزیر خارجہ سرگئی ایلینک نے ملاقات کی۔وزیراعظم شہباز شریف نے لاہور میں بیلاروس کے وزیر خارجہ سرگئی ایلینک کا استقبال کیا، ملاقات میں دوطرفہ تعلقات کی اہمیت پر بات چیت کی گئی۔شہباز شریف نے کہا کہ پاکستان بیلاروس کے ساتھ تعلقات کو بہت اہمیت دیتا ہے، دونوں رہنماں نے زراعت، سائنس، آئی ٹی، تعلیم اور ثقافت سمیت تمام شعبوں میں تعاون بڑھانے کے عزم کا اظہار کیا۔

وزیر خارجہ سرگئی ایلینک نے وزیراعظم کو صدر بیلا روس لوکاشینکو کا تہنیتی پیغام پہنچایا، انہوں نے کہا کہ بیلاروس پاکستان کو خطے کا اہم ملک سمجھتا ہے، علاقائی امن و استحکام کے فروغ کیلئے پاکستان کی کوششوں کو سراہتے ہیں۔ وزیراعظم شہباز شریف نے سرگئی ایلینک کو مقبوضہ کشمیر میں انسانی حقوق کی خلاف ورزیوں سے بھی آگاہ کیا، پاکستان اور بیلاروس 2024 میں اپنے سفارتی تعلقات کی 30 ویں سالگرہ منائیں گے۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔