پاک فوج کی جانب سے تعلیم سب کےلیے مہم کامیابی سے جاری

پاک فوج کی تعلیم سب کے لیے مہم کامیابی سے جاری ہے۔ شمالی وزیرستان کے نوجوانوں کو لاہور اور اسلام آباد کے تفریحی و تعلیمی دورے کرائے گئے ہیں۔
تفصیلات کے مطابق دوسلی اور رزمک کے نوجوانوں نے لاہور میں واہگہ بارڈر، مینار پاکستان، مزار اقبال، بادشاہی مسجد اور شاہی قلعے کی سیر کی۔ وفد کو اسلام آباد میں پاکستان میوزیم آف نیچرل ہسٹری، پاکستان مونومنٹ میوزیم، لوک ورثہ اور لیک ویو پارک کا دورہ بھی کروایا گیا۔
نوجوانوں نے تحریک آزادی میں دی جانے والی قربانیوں سے آگاہی بھی حاصل کی۔ انہوں نے پاک فوج کا بھرپور شکریہ ادا کیا۔ دوروں کا مقصد شمالی وزیرستان کے نوجوانوں میں تعلیمی شعور اجاگر کرنا تھا۔