امریکی صدر ٹرمپ کے دورہ پاکستان کا علم نہیں،ترجمان دفتر خارجہ

اسلام آباد(سب نیوز) ترجمان دفتر خارجہ نے امریکی صدر ڈونلڈ ٹرمپ کے دورہ پاکستان کی خبروں پر لاعلمی ظاہر کی ہے۔
ترجمان دفتر خارجہ شفقت علی خان نے خبر رساں ادارے رائٹرز سے گفتگو میں امریکی صدر ڈونلڈ ٹرمپ کے دورہ پاکستان سے متعلق لاعلمی کا اظہار کیا۔اس سے قبل یہ خبر سامنے آئی تھی کہ امریکی صدر ٹرمپ 18 ستمبر کو پاکستان کید ورے پر اسلام آباد پہنچیں گے جس دوران وہ پاکستان کی سیاسی و عسکری قیادت سے ملاقاتیں کریں گے۔
خبر ایجنسی کا کہنا ہے کہ امریکی صدر ٹرمپ 17 سے 19 ستمبر کر برطانیہ کا دورہ کریں گے۔اس حوالے سے برطانوی رائل پیلس نے بھی تصدیق کی ہے کہ امریکی صدر کنگ چارلس کی دعوت پر برطانیہ پہنچیں گے۔