بغیرکورٹ آرڈر آرمی چیف یا کسی کے ٹیکس گوشوارے لیک کرنا غیرقانونی ہے، اسحاق ڈار

وفاقی وزیر خزانہ اسحاق ڈار کا کہنا ہے قانوناً اجازت نہیں کہ بغیرکورٹ آرڈر آرمی چیف یا کسی کے انکم ٹیکس گوشوارے لیک ہوں۔
نجی ٹی وی سے گفتگو کرتے ہوئے اسحاق ڈار کا کہنا تھا کہ انکم ٹیکس گوشوارے لیک ہونے سے متعلق عبوری رپورٹ مجھے دکھادی گئی ہے، امید ہے کہ آج فائنل رپورٹ بھی مل جائےگی۔
اسحاق ڈار کا کہنا تھا کہ پتہ چلالیا ہے ایک کا تعلق لاہور سے ہے اور راولپنڈی سے بھی کوئی ہے، ہوسکتا ہے ان میں کوئی اتھارائز ہو کیونکہ راولپنڈی میں سرکل ہے وہاں اسیسمنٹ ہوتی ہے ، ان لوگوں کو اجازت ہوتی ہے کہ وہ اپنے اسیسمنٹ کے حوالے سے دیکھ سکتے ہیں۔
وفاقی وزیر خزانہ اسحاق ڈارکا کہنا تھا کہ غیر قانونی کام کی اجازت دینا یا اس پر آنکھیں بند کرنا فرائض کی ادائیگی نہ کرنے جیسا ہے۔