اسلام آباد (نیوزڈیسک) سیشن عدالت نے پی ٹی آئی رہنما شہباز گل کا شناختی کارڈ، عینک، اے ٹی ایم سمیت روزمرہ کی اشیا واپس دینے کا حکم دے دیا۔
ڈسٹرکٹ اینڈ سیشن کورٹس اسلام آباد میں شہباز گل کی سامان کی سپرداری کیس کی سماعت کی ہوئی۔
سماعت ایڈیشنل سیشن جج طاہر عباس سپرا نے کی ، شہباز گل کی جانب سے علی بخاری اور اسپیشل پراسیکیوٹر رضوان عباسی عدالت میں پیش ہوئے۔
عدالت نے شہباز گل کی سپرداری کی جزوی درخواست منظور کر لی اور شہباز گل کا شناختی کارڈ، عینک، اے ٹی ایم سمیت روزمرہ کی اشیا واپس دینے کا حکم دے دیا۔
عدالت نے اکتیس اشیا کی لسٹ میں سے جزوی اشیا واپس کرنے کا حکم دیتے ہوئے کہا پولیس کو متنازع اشیا کو تفتیش کیلیے رکھنے تک اختیار دیا جاتا ہے۔
بعد ازاں عدالت نے شہباز گل کیس کی مزید سماعت 11 اکتوبر تک ملتوی کردی۔
شہبازگل کیس: عدالت نے بڑا حکم دے دیا
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
