ٹیلی تھون کا بلیک آوٹ شرمناک ،میڈیا سنسرشپ کا معاملہ ہر سطح پر اٹھائیں گے،عمران خان

اسلام آباد(نیوزڈیسک)تباہی میں گھِری معیشت کی بحالی اور ملک میں جاری بدترین میڈیا سنسرشپ کا معاملہ ،پاکستان تحریک انصاف کا معیشت سے جڑے 16 موضوعات پر جامع منصوب عمل تیار کرنے کا فیصلہ
تفصیلات کے مطابق چیئرمین تحریک انصاف عمران خان کی زیرِ قیادت سینئر قائدین کا اہم ترین اجلاس ہوا جس میں ملکی سیاسی صورتحال، امپورٹڈ سرکار کے ہاتھوں معیشت کی تباہی اور ملک میں بدترین میڈیا سنسرشپ سمیت اہم امور پر تفصیلی تبادل خیال کیا گیا۔
تحریک انصاف کی قیادت کی جانب سے سیلاب متاثرین کیلئے عطیات جمع کرنے کیلئے منعقدہ ٹیلی تھون کے میڈیا بلیک آٹ کی شدید ترین مذمت کی گئی ۔
اجلاس میں ملک میں میڈیا کی زبان بندی اور صحافیوں کیخلاف انتقامی کارروائیوں کا معاملہ ہر فورم پر اٹھانے کا فیصلہ کیا گیا،
مرکزی سیکرٹری جنرل اسدعمر کی جانب سے اجلاس کو پاکستان پر قرضوں کے بوجھ پر بریفنگ دی گئی ۔
بریفنگ میں بتایا گیا کہ پاکستان کو لگ بھگ 30 ارب ڈالرز کے قرضے واپس کرنا ہیں، جبکہ آئی ایم ایف سے ملنے والا قرض محض 2 ارب ڈالرز ہے، سیاسی عدمِ استحکام کے باعث پاکستان کی بانڈ مارکیٹ مکمل تباہ ہوچکی ہے، جب تحریک انصاف کی حکومت ختم کی گئی تو بانڈ 4 فیصد کے ڈسکانٹ ریٹ پر تھا، یہ بانڈ اب 50فیصدڈسکاونٹ ریٹ پر مل رہا ہے، یہ کیفیت ظاہر کرتی ہے کہ پاکستان دیوالیہ پن کی دہلیز پر کس قدر آگے جاچکا ہے، آئندہ چند ماہ میں ملکی معیشت کو سنگین صورتحال کا سامنا ہوگا، سابق وزیر خزانہ شوکت ترین نے قیادت کو کرنسی کی صورتحال سے آگاہ کیا ۔
امپورٹڈ سرکار کی ہاتھوں معیشت کی بدترین تباہی پر نہایت تشویش کا اظہار کیا گیا۔
چیئرمین عمران خان نے قائدین کو معاشی بحالی کی حکمتِ عملی بلاتاخیر تیار کرنے کی ہدایت کی اورشوکت ترین کو ملکی معیشت پر باضابطہ فوکل گروپ تشکیل دینے کی ہدایت کی۔
فوکل گروپ ملکی معیشت سے جڑے 16 موضوعات پر متبادل حکمتِ عملی تیار کرے گا
عمران خان نے کہا کہ ملک شدید بدترین معاشی بحران کے نرغے میں ہے، ملکی معیشت تباہی کے دہانے پر پہنچ چکی ہے، تحریک انصاف فوری طور پر اپنا متبادل معاشی منصوب عمل تیار کرے، لازم ہے کہ مضبوط معیشت کیلئے اپنی تجاویز قوم کے سامنے رکھیں،
عمران خان نے کہا کہ سیلاب متاثرین کیلئے منعقد کی جانے والی ٹیلی تھون کا بلیک آوٹ شرمناک ہے، پاکستان میں ایسے شرمناک انداز میں میڈیا کی زباں بندی ہرگز گوارا نہیں کی جاسکتی۔تحریک انصاف میڈیا سنسرشپ کا معاملہ بھی عوام سمیت ہر سطح پر اٹھائے گی۔