وزیراعظم کو پیٹرول کی قیمت میں 12 روپے فی لیٹر اضافے کی تجویز
اوگرا نے وزیراعظم کو پیٹرولیم مصنوعات کی سمری پیش جس میں پیٹرول کی قیمت میں 12 روپے فی لیٹر اضافے کی تجویز ارسال کی تھی وزیراعظم نے نظرثانی کے لیے واپس بھیج دیا وزیراعظم آفس کو آئل اینڈ گیس ریگولیٹری اتھارٹی (اوگرا) کی جانب سے پیٹرولیم مصنوعات کی قیمتوں میں اضافے کی سمری موصول ہوگئی۔ ارسال کردہ سمری میں پٹرول کی قیمت میں 12 روپے تین پیسے فی لیٹر اضافے کی تجویز دی گئی ہے۔
ذرائع کا کہنا ہے کہ وزیراعظم نے پٹرول کی قیمتوں میں اضافے کی سمری نظر ثانی کے لیے وزارت خزانہ کو واپس بھیج دی ہے، وزیراعظم کی ہدایت پر وزارت خزانہ پٹرولیم مصنوعات کی قیمتوں میں اضافے پر نظرثانی کرے گی اور یہ سمری دوبارہ ارسال کی جائے گی۔
پیٹرولیم مصنوعات کی سمری قیمتوں میں اضافے کے بوجھ تلے دبے سسکتے عوام بالخصوص ملک میں مہنگائی کے سرپٹ دوڑتے گھوڑے کو لگام ڈالنے میں حکومت کی ناکامی پر شدید مشتعل ہیں ایسے میں پیٹرولیم مصنوعات میں اضافہ ایک طرف تو حکومت کیلئے عوام کی ناپسندیدگی کی شدت میں مزید اضافہ کرے گا بلکہ حکومت کے خلاف اپوزیشن کے احتجاج کی موثر آواز بھی بن جائے گا اور عوام پر ہی کیا .
موقوف اب تو خود حکومتی ارکان اسمبلی اور وفاقی کابینہ کے ارکان بھی پارٹی اور وفاقی کابینہ کے اجلاسوں میں وزیراعظم کی موجودگی میں واشگاف لفظوں میں واضح کر رہے ہیں کہ مہنگائی کے باعث ہم اپنے حلقوں میں عوام کا سامنا نہیں کر پارہے ۔
