اسلام آباد:وزیرخارجہ اسحاق ڈار نے اسلام آباد میں نیوز کانفرنس میں کہا کہ او آئی سی کانفرنس کامیاب رہی، او آئی سی فورم پر مشرق وسطی کی تازہ ترین صورتحال پر تبادلہ خیال کیا گیا، فلسطینیوں سے اظہار یکجہتی بھی کی گئی۔
اسحاق ڈار کے مطابق ہم نے درخواست کی تھی کہ او آئی سی کانفرنس میں ایک سلاٹ الگ سے ایران پر فکس کی جائے، کانفرنس میں کشمیر پر بھی بات کی گئی۔
انہوں نے کہا کہ جب ایران پر اسرائیل نے حملہ کیا تو ہماری وزارت خارجہ نے ایران کے حق میں مضبوط بیان دیا۔
انہوں نے کہا کہ میں ایران کے وزیرخارجہ سے مسلسل رابطے میں تھا اور اب بھی ہوں، آج تک ہم رابطے میں ہیں۔
ان کا کہنا تھا کہ وزیراعظم شہباز شریف کی ایران کے صدر سے ایک سے زیادہ بار ٹیلی فون پر گفت و شنید ہوئی، یہ ہمارا اسلامی اور اخلاقی فرض ہے، یہ ہمارا سیاسی اور ہمسایے والا کردار بھی ہے کہ ایران کی حمایت کریں.
ان کا کہنا تھا کہ ترکی میں او آئی سی کی اسلامک آرگنائزیشن فار یوتھ فورم میں بھی شرکت کی، ترک صدر رجب طیب اردوان سے ملاقات ہوئی، ملاقات میں ایران، اسرائیل جنگ سمیت مختلف امور پر گفتگو ہوئی۔
