اسلام آباد(سب نیوز)امیر جماعت اسلامی پنجا ب ڈاکٹرطارق سلیم نے کہا ہے کہ امر یکہ کا ایران پر حملہ براہ راست مسلم دنیا پر حملہ ہے،حکومت پاکستان کا امریکی صدر ڈونلڈ ٹرمپ کو نوبل پرائز برائے امن کی نامزدگی کی سفارش افسوس ناک، قومی وقار کے منافی اور غلامانہ ذہنیت کا عکاسی ہے، ڈونلڈ ٹرمپ غزہ میں فلسطینیوں کے قتل عام میں اسرائیل کا سرپرست ہے، پوری پاکستان قوم ایرانی قیادت کے ساتھ کھڑی ہے
انھوں نے کہا ہم مسلم حکمرانوں پر مشتمل امریکہ کی چاکری کر نے والی انجمن غلامان امریکہ کو خبردار کرتے ہیں کہ بے حسی کی چادر اوڑنے کی بجائے وقت کے طاغوت کے خلاف اٹھا کھڑے ہوں، ایران کی قیادت نے جرات کے ساتھ دور حاضر کے یزید کو للکارا ہے، ایرانی قیادت کی جرات کو استقامت کو ایمانی غیرت کو سلام پیش کرتے ہیں۔ان خیالات کا اظہار انھوں نے امیر جماعت اسلامی پاکستان کی اپیل پر ملک بھر کی طر ح گجرات پر یس کلب کے سامنے منعقدہ احتجاجی مظاہرے سے خطاب کر تے ہو ئے کیا، اس موقع پر امیر جماعت اسلامی گجر ات انصر محمود دھول نے بھی خطاب کیا۔ڈاکٹر طارق سلیم نے کہا امریکی بحری اڈے خطے میں پیش قدمی کررہے ہیں امریکا اسرائیل کو تمام جنگی سہولتیں دے رہا ہے،ایسے میں حکومت امن کے نوبل پرائز کے لیے نامزد کرنے کی بات کرنا افسوس ناک اور غلامانہ ذہنیت کا عکاس ہے، ڈونلڈ ٹرمپ امریکہ کے لیے گورباچوف ثابت ہوگا امریکہ اور سپر طاقتوں کی جوتے کھانے کی تاریخی نئی نہیں ہے
انھوں نے کہا امریکہ افغانستان میں اپنے اتحادیوں کے ساتھ آیا اور پھر قطر میں معاہدہ کر کے بھاگا، اس لیے ہم یہ سمجھتے ہیں کہ امریکہ اور اس کی ناجائز اولاد اسرائیل دنیا کو آگ میں جھونک کر نوبل انعام مانگتے ہیں، نوبل انعام غنڈا گردی کر نے سے نہیں ملتا، امریکی صدر کا رویہ منافقت پر مبنی ہے جس پر ہر گز اعتماد نہیں کیا جا سکتا، وہ بھارت کے حامی اور غزہ میں فلسطینیوں کے قتل کے ذمہ دار ہیں، انھوں نے کہا صہیونی ریاست کی جانب سے فلسطینیوں کی نسل کشی کا سلسلہ جاری ہے اور اب ایران پر حملہ مسلم ممالک کے حکمرانوں کے لیے لمحہ فکریہ ہے، اگر اسرئیلی اور امریکہ کے خلاف متحد ہو کر اقدامات نہ کیے گئے تو ایک کے بعد ایک کی باری آئے گی۔
