اسلام آباد(سب نیوز)چیئرمین سی ڈی اے، چیف کمشنر اسلام آباد اور ڈی جی سول ڈیفنس محمد علی رندھاوا کی ہدایت پر سی ڈی اے کے قائمقام چیئرمین طلعت محمود نے اسلام آباد سالڈ ویسٹ مینجمنٹ ڈیپارٹمنٹ کی کارکردگی کا جائزہ لینے سے متعلق سی ڈی اے ہیڈکوارٹرز اسلام آباد میں جائزہ اجلاس کی صدارت کی۔ اجلاس میں ممبر فنانس، ممبر انوائرمنٹ، ڈی جی انوائرمنٹ سمیت دیگر سنئیر افسران نے شرکت کی۔
اجلاس میں سالڈ ویسٹ مینجمنٹ ڈیپارٹمنٹ کی کارکردگی پر اطمینان کا اظہار کیا اور کہا کہ سالڈ ویسٹ مینجمنٹ ڈیپارٹمنٹ نے حالیہ عید الضحی کے موقع پر اسلام آباد کے شہری و دیہی علاقوں سے 2400 ٹن آلائشوں کو تلف کیا جو کہ انتہائی قابل ستائش کارکردگی ہے۔اجلاس کو بتایا گیا کہ سالڈ ویسٹ مینجمنٹ منصوڈیپارٹمنٹ جدید ترین لینڈ فل سائٹس کے قیام کے علاوہ فضلے سے توانائی حاصل کرنے جیسے اقدامات کے لیے کوشوں کو مزید تیز کیاجائے۔ سی ڈی اے کے قائمقام چیئرمین طلعت محمود نے سالڈ ویسٹ مینجمنٹ ڈیپارٹمنٹ کو دیہی اور شہری علاقوں کیلئے ویسٹ مینجمنٹ کے انتظام کو مزید بہتر بنانے کی ہدایت کی۔
انہوں نے کہا کہ چئیرمین سی ڈی اے محمد علی رندھاوا کی ہدایت کے مطابق قومی و بین الاقوامی سالڈ ویسٹ مینجمنٹ کے بہترین ماڈلز اور پریکٹسز کا جائزہ لیا جائے تاکہ سی ڈی اے کے سولڈ ویسٹ منجیجمنٹ ڈیپارٹمنٹ کو جدید خطوط پر استوار کرنے کے لیے تمام وسائل بروئے کارلائے جارہے ہیں۔ اس موقع پر سی ڈی اے کے قائمقام چیئرمین طلعت محمود نے کہا کہ وزیر داخلہ محسن نقوی کے ویژن اور چیئرمین سی ڈی اے، چیف کمشنر اسلام آباد اور ڈی جی سول ڈیفنس محمد علی رندھاوا کی سربراہی میں وفاقی دارالحکومت اسلام آباد کو ایک جدید، کلین اینڈ گرین، خوبصورت اور ماحول دوست مثالی اور ماڈل شہر بنانے کیلئے سی ڈی اے تمام ضروری اقدامات اٹھارہا ہے۔جس کے مثبت نتائج سامنے آرہے ہیں۔
