اسلام آباد(سب نیوز)پاکستان میں تعینات ایرانی سفیر رضا امیری مقدم نے کہا ہے کہ ایران پر صہیونی اور امریکی حملے عالمی قوانین کی کھلی خلاف ورزی ہیں،صہیونی ریاست دراصل خطے میں امریکی اڈہ ہے،صہیونی حکومت نے این پی ٹی کا رکن نہ ہونے کے باوجود این پی ٹی کے رکن ملک ایران کے پر امن ایٹمی پروگرام کو بنیاد بنا کر حملہ کیا، آئی اے ای اے نے پندرہ بار ہمارے ایٹمی پروگرام کو پرامن قراردیا ، ایران پر ناجائز صہیونی ریاست اور امریکی حملے فلسطین اور غزہ میں نسل کش حکومت کے خلاف واضح موقف رکھنے کی وجہ سے کئے گئے، ٹرمپ کو نوبل انعام دیا جانا باعث تعجب ہوگا ،ٹرمپ نے دو ریاستی حل پر بھی صہیونی حکومت کی حمایت کی ایسے شخص کو نوبل انعام کیسے دیا جا سکتا ہے،ایران میں رجیم چینج ہر امریکی صدر کی خواہش رہی ہے مگر انکا یہ خواب کبھی پورا نہیں ہو گا، یہ جنگ صرف ایران کے نہیں بلکہ پورے عالم اسلام کے خلاف ہے ہم کامیاب ہونگے
ایرانی سفیر رضا امیری مقدم نے ان خیالات کا اظہارامریکا کی طرف سے ایرانی ایٹمی تنصیبات پر حملوں کے حوالے سے نیشنل پریس کلب اسلام آباد میں ایک ہنگامی پریس کانفرنس کرتے ہوئے کیا،رضا امیری مقدم کا مزید کہنا تھا کہ ایران کیایٹمی پروگرام پرمذاکرات جاری تھے کہ ناجائز صہیونی حکومت نے ایران کے پر امن ایٹمی پروگرام کو بنیاد بنا کر حملہ کیا اور ایران کے کمانڈر سمیت نامور ایٹمی سائنسدانوں کو شہید کر دیا جسکا جواب ایران نے اپنے تیار کردہ میزائلوں سے دیا ، صہیونی حکومت دس دن بھی ایرنی میزائلوں کا سامنا نہ کر سکی،ایرانی ایٹمی پروگرام کو آئی اے ای اے نے پندرہ بار پرامن قرار دیا ہے،ایران کی ایٹمی تنصیبات پر حملہ امریکہ اور اسرائیل کی طرف سے یہ جنگ پورے خطے میں پھیلانے کی کوشش ہے، امریکہ اور اسرائیل اس جنگ کے ذریعے پورے عالم اسلام کو نشانہ بنانا چاہتے ہیں، ایران امریکہ کو اقوام متحدہ کے چارٹر کے مطابق جواب دیگا اور صہیونی ریاست کی مدد پر ایران دنیا بھر میں امریکیوں کو نشانہ بنائیگا،ایرانی سفیر کا مزید کہنا تھا کہ ایران کا ایٹمی پروگرام پرامن مقاصد کیلئے ہے جن میں جس میں بجلی پیدا کرناو غیرہ شامل ہے،ہمیں پاکستان سمیت امت مسلمہ کی مکمل حمایت حاصل ہے جو کہ قابل اطمینان ہے،پاکستان نے صہیونی ضارحیت کے شروع میں ہی اسکی مذمت کی تھی جبکہ اقوام متحدہ میں سلامتی کونسل کے اجلاس میں بھی نہ صرف اسکی بھرپور مذمت کی بلکہ ایران کی حمایت کے عزم کا اعادہ کیاجس پر پاکستانی حکومت اور تمام سیاسی قیادت کے مشکور ہیں،ابھی جنگ جاری ہے دیکھنا ہوگا کہ امریکی مفادات کو کیسے اور کہاں ضرب لگائی جا سکتی ہے، ہم اپنے پر امن ایٹمی پروگرام کو جاری رکھیں گے
ایک سوال کے جواب مین رجا مایری مقدم کا کہنا تھا کہ ٹرمپ نے کانگریس کی ایڈوائس کو بھی مدنظر نہیں رکھا، ٹرمپ کو نوبل انعام دیا جانا باعث تعجب ہوگا کیونکہ دو ریاستی حل پر بھی ٹرمپ نے صہیونی حکومت کی حمایت کی ایسیشخص کو نوبل انعام کیسے دیا جا سکتا ہے،صہیونی حکومت نے غزہ میںساٹھ ہزار بچوں کو شہید کیا اور کہا کہ یہ علاقہ چھوڑ دو،سے فیلڈ مارشل جنرل عاصم منیر اور ڈونلڈٹرمپ کی ملاقات کے متعلق ایک سوال کے جواب میں ایرانی سفیر نے اسے دونوں ممالک کے درمیان باہمی تعلقات سے معمور کیا اور اس پر کسی قسم کی بات کرنے سے گریز کیا، ان کا مزید کہنا تھا کہ برکس کے اتحادیوں نے صہونی حکومت کے حملے کی مذمت کی ہے،انہوں نے اس یقین کا بھی اظہار کیا کہ یہ جنگ صرف ایران کے خلاف نہیں بلکہ عالم اسلام کے خلاف ہے ،اس جنگ میں ایران ضرورکامیاب ہوگا، اس جنگ کے ذریعے امریکہ اور اسرائیل عالم اسلام کو نشانہ بنانا چاہتے ہیں، تاہم ہماری کوشش ہے کہ امت مسلمہ کو اس جنگ سے بچایا جائے،اپنی قیادت کی رہنمائی اور افواج کی مدد سے اس جنگ کو لمبے عرصے تک لڑنے کیلئے تیار ہیں،ابھی تک کسی ملک سے ہتھیاروں کی فراہمی کی درخواست نہیں کی،روس نے تمام ہونے والے اجلاسوں میں ایران کی مکمل حمیت کی ہے امد ہے کہ وہ یہ حمایت آئندہ بھی جاری رکھے گا،ایرانی کے ایٹمی کمیشن امریکی حملوں کے بعد تحقیقات کر رہا ہے تاکہ ایرانی عوام کی کسی بھی ہنگامی صورتحال سے بچایا جا سکے،ایک سوال کے جواب میں ایرانی سفیر نے کہا کہ ایران میں جاسوسی کرنے والے افراد سے ڈرون اور دیگر ہتھیار برآمد ہوئے ہیں، گرفتار ہونے والوں میں ایرانی بھی شامل ہیں۔
