جدہ: چوہدری حسنین گوندل اور چوہدری امجد گجر کی جانب سے عید ملن پارٹی، پاکستانی کمیونٹی کی بھرپور شرکت

جدہ(خالد نواز چیمہ) سعودی عرب کے ساحلی شہر جدہ کی معروف کاروباری سیاسی وسماجی شخصیت چوہدری حسنین گوندل اور شرکہ ریس کے مینجنگ ڈائریکٹر چوہدری امجد گجر نے مقامی ریسٹورنٹ میں عید ملن پارٹی کا اہتمام کیا جس میں پاکستان کے معروف سیاسی شخصیات منڈی بہاوالدین سے ممبر قومی اسمبلی چوہدری ناصر اقبال بوسال ضلع گوجرانوالہ کے تعمیر وترقی کے شہنشاہ ممبر قومی اسمبلی چوہدری اظہر قیوم ناہرہ مہمان خصوصی تھے ۔
مہمانوں کا شاندار استقبال کیا گیا ۔چوہدری حسنین گوندل سماجی شخصیت فدا حسین کھوکھر چوہدری امجد گجر وزیراعظم کے یوتھ پروگرام کے فوکل پرسن سعودی عرب ملک منظور اعوان قومی یکجہتی فورم کے سربراہ سردار اقبال جمعیت علمائے اسلام پاکستان کے راہنما انجینیئر سجاد خان معروف بزنس مین حافظ محمد افضال طور نے پھولوں کے گلدستے پیش کیے ۔

تلاوت قرآن پاک سے تقریب کا آغاز ہوا ،مہمانوں کو حج کی سعادت حاصل کرنے پر مبارک باد پیش کی گئی ممبر قومی اسمبلی چودھری ناصر اقبال بوسال نے پاکستانی کمیونٹی کو خطاب کرتے ہوئے کہافیلڈ مارشل عاصم منیر کی عسکری قیادت اور میاں شہباز شریف کی سیاسی قیادت کے اشتراک نے اپنے سے بڑی فوجی اور ٹیکنالوجی رکھنے والے ملک بھارت کے غرور کو دھول چٹا دی ۔
رکن قومی اسمبلی چوہدری ناصر اقبال بوسال رکن قومی اسمبلی چوہدری اظہر قیوم ناہرہ نے پاکستانیوں کے بڑے اجتماع سے خطاب کرتے ہوئے کہا آپُکی محنت سے کمائے جانے والا ذرمبادلہ پاکستان کی معیشت کا بڑا سہارہ ہے آپ میں ہر شخص پاکستان کا سفیر ہے ،سعودی عرب کے قوانین پر عمل کرنے سے پاکستان کا نام روشن ہوتا ہے آپ یہاں کسی جماعت کے نہیں پاکستان کے نمائندے ہیں ،پاکستان آپکی پہچان ہے انہوں نے حج 2025 کو کامیاب اور با حفاظت حج کے انتظامات کرنے پر سعودی حکومت ،خادم حرمین شریف ، ولی عہد شہزادہ محمد بن سلمان کا تہہ دل سے شکریہ ادا کیا ْ
مقررین نے میزبان چوہدری حسنین گوندل کو سعودی عرب میں کاروبار کرنے کی مبارکباد دیتے ہوئے کہا کہ آپکے کاروبار میں اللہ ترقی عطا کرے تاکہ ذرمبالہ پاکستان بھیج کر معیشت میں اپنا حصہ ڈال سکیں پروگرام میں سعودی عرب کے معروف تاجر شیخ احمد الزھرانی اور شیخ عبداللہ احمد زھرانی نے بھی شرکت کی پاک سعودی تعلقات کو مزید مضبوط کرنے پر زور دیا۔