بیجنگ :چین کے صدر شی جن پھنگ نے بیجنگ میں پانچن لاما ارتنی چوکی گیابو سے ملاقات کی۔ جمعہ کے روز چینی میڈیا نے بتایا کہ صدر مملکت نے انہیں دسویں پانچن لاما کے نقش قدم پر چلتے ہوئے بدھ مت کے گہرے علم کے حامل اور عوام و خواص کی محبت کے مستحق تبتی بدھ مت کے روحانی رہنما بننے کی ترغیب دی۔
انہوں نے قومی یکجہتی کو فروغ دینے، مذہبی ہم آہنگی کو برقرار رکھنے اور تبت کے مستحکم ترقیاتی عمل میں اہم کردار ادا کرنے کی توقع کا اظہار کیا۔پانچن لاما نے کہا کہ وہ جنرل سیکرٹری شی جن پھنگ کی ہدایات کو ہمیشہ یاد رکھیں گے اور دسویں پانچن لاما کی مثال پر عمل کرتے ہوئے کمیونسٹ پارٹی آف چائنا کی قیادت، ملکی سالمیت اور قومی اتحاد کی مضبوطی سے حمایت کریں گے۔
انہوں نے اپنے مذہبی علم اور جامع صلاحیتوں میں مسلسل اضافہ کرتے ہوئے قومی یکجہتی کو فروغ دینے، چین میں مذہبی امور کی ترقی اور شی زانگ کی جدید تعمیر میں اپنا کردار ادا کرنے کے عزم کا اظہار کیا۔
