اسلام آباد (سب نیوز)کیپٹن ریٹائرڈ ظفر اقبال کو چیئرمین نیا پاکستان ہاوسنگ اینڈ ڈیولپمنٹ اتھارٹی کا اضافی چارج دے دیا گیا۔گریڈ 20 کے افسر کیپٹن (ر)ظفر اقبال ڈائریکٹر جنرل فیڈرل گورنمنٹ ایمپلائز ہاوسنگ اتھارٹی کے عہدے پر تعینات ہیں۔
وزیراعظم شہباز شریف کی منظوری سے انہیں نیا پاکستان ہاسنگ اتھارٹی کے چیئرمین کا اضافی چارج بھی دے دیا گیا۔رپورٹ کے مطابق یہ تعیناتی اتھارٹی ایکٹ 2020 کے سیکشن دس کے ذیلی سیکشن 6 کے تحت کی گئی ہے۔کیپٹن(ر)ظفر 3 ماہ یا نیا پاکستان ہاسنگ اینڈ ڈیولپمنٹ اتھارٹی کے باقاعدہ چیئرمین کی تقرری تک فرائض نبھاتے رہیں گے۔
