پاکستان نے بھارتی پروازوں کیلئے فضائی حدود ایک ماہ کیلئے بند کردی، نوٹم جاری

اسلام آباد (سب نیوز)پاکستان نے بھارتی پروازوں کے لیے فضائی حدود بند کردی، جس کا نوٹم جاری کردیا گیا۔
پاکستان نے بھارتی طیاروں کے لیے اپنی فضائی حدود کے استعمال پر ایک ماہ کے لیے پابندی لگا دی، اس حوالے سے سول ایوی ایشن اتھارٹی (سی اے اے)نے باضابطہ نوٹم جاری کردیا۔نوٹم کے مطابق تمام بھارتی ایئرلائنز کو پاکستانی فضائی حدود استعمال کرنے سے روک دیا گیا ہے۔
سی اے اے حکام کا کہنا ہے کہ یہ فیصلہ مخصوص سیکیورٹی اور خارجہ پالیسی امور کے تحت کیا گیا ہے، جس کے تحت بھارت کیلئے فضائی راستے بند کیے جا رہے ہیں۔یہ پابندی فوری طور پر نافذ العمل ہو چکی ہے اور آئندہ ایک ماہ تک برقرار رہے گی، جس کے بعد صورتحال کا دوبارہ جائزہ لیا جائے گا۔