Sunday, March 16, 2025
ہومبریکنگ نیوزہمارے وسائل سے لوٹ مارکرکے بلوچستان کا ستیاناس کر دیا گیا: اختر مینگل

ہمارے وسائل سے لوٹ مارکرکے بلوچستان کا ستیاناس کر دیا گیا: اختر مینگل

کوئٹہ(سب نیوز )سربراہ بی این پی سرداراخترمینگل نے کہا ہے ہمارے وسائل سے لوٹ مارکرکے بلوچستان کا ستیاناس کر دیا گیا۔ سردار اختر مینگل کا کہنا تھا کہ بہت کچھ ہوسکتا تھا، اگر سیاسی جماعتوں کا مقصد صرف اقتدار نہ ہوتا توچیزیں سنبھل سکتی تھیں۔انہوں نے کہا کہ بدقسمتی سے ہم نے سیاسی جماعتو ں کوبھی آزمایا، ریاست ،ریاستی اداروں کوبھی ہم نے سمجھانے کی کوشش کی، بلوچستان کوایک صوبے کی حیثیت سے دیکھیں توصوبے کے لوگ آپ کیساتھ چلنے کیلئے تیارہیں۔

سربراہ بی این پی کا کہنا تھا کہ ہم اورکچھ نہیں مانگتے ہمیں صرف عزت چاہیے، ہمارے وسائل پردسترس ہماری ہونی چاہیے، ہوناتویہ چاہیے تھا کہ وہ اپنی حرکتیں صحیح کرتے، ہمارے وسائل سے لوٹ مارکرکے ستیاناس کر دیا گیا۔اخترمینگل نے کہا کہ مطالبات کس کے سامنے رکھیں؟ میں نے سپریم کورٹ میں مطالبات پیش کیے، میں نے6نکات پیش کیے،کوئی بھی نکتہ آئین سے ہٹ کرنہیں تھا، میں نے کہا ہم علیحدگی کی طرف نہیں جارہے، مطالبات تھے کہ بلوچستان کیساتھ ہونی والی زیادتیوں کے ذمہ داروں کوکٹہر ے میں لایاجائے۔

ان کا کہنا تھا کہ کسی نے ہماری بات نہیں سنی، ہماری آوازکوبرداشت نہیں کیاگیا، ہمیں اسمبلی سے آ ئوٹ کر دیا گیا، اب اختیارات فارم47والوں کے پاس ہیں، ہم توبے بس ہیں ہم نے توہاتھ اٹھا لیے ہیں۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔