لاہور (آئی پی ایس )عام آدمی کیلئے وزیراعلی پنجاب ٹرانسپلانٹ پروگرام کا آغاز کر دیا گیا ،پروگرام کے تحت عام آدمی کیلئے 5ٹرانسپلانٹ آپریشن مفت ہوں گے،چیف منسٹر ٹرانسپلانٹ پروگرام کے تحت جگرٹرانسپلانٹیشن مفت ہوگی،گردوں کی پیوند کاری بھی مفت کی جائے گی۔
پروگرام کیلئے پنجاب ہیومن آرگن ٹرانسپلانٹیشن اتھارٹی سے رجسٹرڈ ہونا ضروری ہے،رجسٹریشن کے بعد جگر، گردوں، بون میرو،کورنیاکی ٹرانسپلانٹیشن کرائی جا سکے گی۔سرکاری اسپتالوں کے علاوہ نجی اسپتالوں سے بھی آرگن ٹرانسپلانٹ کرایا جاسکے گا، وزیراعلی مریم نواز کا کہنا ہے کہ ریاست کو ہر شہری کا احساس ہے،اپنا فرض نبھائیں گے۔
ٹرانسپلانٹیشن بہت پیچیدہ اور مہنگا پراسیس ہے،ٹرانسپلانٹیشن کا فرض اب ریاست ادا کرے گی،سماعت کی بحالی کے بعد بچے نارمل زندگی گزار سکیں گے۔جگر اور گردوں کی ٹرانسپلانٹیشن کے اخراجات حکومت اٹھائے گی،کورنیا کی پیوند کاری سے بصار ت سے محروم افراد بھی نارمل زندگی گزار سکیں گے۔
