اسلام آباد(سب نیوز ) چیئر مین سی ڈی اے و چیف کمشنر اسلام آباد محمد علی رندھاوا کی زیر صدارت جمعہ کے روز سی ڈی اے ہیڈکوارٹرز میں آئی سی ٹی ایمپلایز سوشل سیکورٹی انسٹیٹیویشن کی گورننگ باڈی کا سترھواں اجلاس منعقد ہوا۔اجلاس میں گورننگ باڈی کے ممبران سمیت ضلعی انتظامیہ، کمشنر سوشل سیکورٹی اور دیگر سینئر افسران نے شرکت کی۔
. ایمپلایز سوشل سیکورٹی انسٹیٹیویشن کی گورننگ باڈی کے سترھویں اجلاس میں مختلف ایجنڈہ آیٹمز زیر غور لایے گیے اور کمشنر سوشل سیکورٹی نے اجلاس کو مختلف ایجنڈہ آیٹمز پر تفصیلی دی.تفصیلات کے مطابق ایمپلایز سوشل سیکورٹی انسٹیٹیویشن کی گورننگ باڈی کے اجلاس میں سوشل سیکورٹی ایکٹ میں ترمیم کی منظوری دی گئی۔ اسی طرح اجلاس میں دوران ملازمت فوت ہونے والے ملازمین کے اہل خانہ کیلیے ڈیتھ گرانٹ، میرج گرانٹ سمیت معذور افراد کیلئے سٹاف ویلفیئرفنڈ قایم کرنے کا فیصلہ بھی کیا گیا۔
چیئر مین سی ڈی اے و چیف کمشنر اسلام آباد محمد علی رندھاوا نے ہدایت کی کہ مختلف منصوبوں کیلیے جواینٹ وینچرز کیلئے ٹرانزیکشن ایڈوایزر کی خدمات حاصل کی جائیں۔ اجلاس میں ورکرز کیلیے مذکورہ ایجنڈہ کو مدنظر رکھتے ہویے حج پالیسی کی منظوری دینے کا فیصلہ کیا گیا. اس پالیسی کے تحت سات سال سے زاید ملازمت کرنے والے ورکرز درخواست دینے کے اہل ہونگے،مزید برآں اجلاس میں ملازمین اور انکے اہل خانہ کے علاج و معالجے کیلیے شہر کے اعلی اور معیاری ہسپتالوں کو پینل پر لینے کا فیصلہ کیا گیا۔ پینل پر لیے جانے والے ہسپتالوں میں پی اے ایف، فوجی فاونڈیشن، نیسکام، کے آر ایل سمیت پنجاب سیکورٹی ہسپتال شامل ہیں۔
چییرمین سی ڈی اے و چیف کمشنر اسلام آباد محمد علی رندھاوا نے ممبر فنانس کو تمام ہسپتالوں میں کنٹریکٹ ریٹس سمیت ڈسکاونٹ پر نظر ثانی کرنے کی ہدایت بھی کی. بعد ازاں اجلاس میں حال ہی میں ہمک ماڈل ٹاون میں تعمیر کردہ سوشل سیکورٹی میڈیکل سینٹر کیلئے سٹاف کی بھی منظوریدی گی۔
