لودھراں: سماجی رہنماجہانگیر خان ترین کے خصوصی تعاون سے لودھراں پائلٹ پراجیکٹ کے زیر اہتمام معذور افراد کی بحالی کیلئے کیمپ کا انعقاد، 12 ایم پی آر گیلے وال میں لگائے جانے کیمپ میں لودھراں سمیت ملک بھر سے آئے معذور افراد کو مفت مصنوعی اعضاء لگائے جانے کے لئے میڈیکل چیک اپ کا سلسہ جاری ہے۔ تین روزہ او۔پی۔ ڈی کے بعد معذور افرادکو کیمپ میں دوبارہ بلا کر مصنوعی ٹانگیں لگانے کا سلسلہ شروع کردیا جائے گا۔
ترجمان ایل پی پی کے مطابق لودھراں میں منعقد ہونے والا یہ آٹھواں سالانہ کیمپ ہے ۔ معذور افراد کی بحالی کے لئے لگائے گئے ان 8 کیمپس میں اب تک 1 ہزار سے زائد معذور افراد کو مصنوعی ٹانگیں لگا کر چلنے پھرنے کے قابل بنایا گیا ہے جبکہ 300 کے قریب معذوروں کو وہیل چیئرز بھی فراہم کی گئی ہیں۔ کیمپ کے انعقاد کے موقع پر جہانگیر خان ترین نے اپنے بیان میں کہا کہ بے لوث عوامی خدمت کا سلسلہ جاری رہے گا۔
