مظفر آباد،پاکستان تحریک انصاف کے انوارالحق 32 ووٹ لے کر آزاد کشمیر قانون ساز اسمبلی کے اسپیکر منتخب ہوگئے جبکہ مسلم لیگ(ن)اور پیپلز پارٹی کے متفقہ امیدوار فیصل ممتاز نے 15 ووٹ لئے۔واضح رہے آزاد کشمیر قانون ساز اسمبلی کے 53 رکنی ایوان میں پی ٹی آئی کی نشستوں کی مجموعی تعداد 32 ہے۔ آزاد جموں و کشمیر قانون ساز اسمبلی میں پاکستان تحریک انصاف کے امیدوار تینوں مخصوص نشستوں پر کامیاب ہوئے۔ ٹیکنوکریٹ، علما مشائخ اور سمندر پار کشمیریوں کی مخصوص نشستوں کیلئے ہونے والے انتخاب میں تحریکِ انصاف کے امیدواروں نے کامیابی حاصل کی۔علما و مشائخ کی نشست پر پی ٹی آئی کے پیر محمد مظہر سعید، ٹیکنوکریٹ کی نشست پر رفیق نیئر اور سمندر پار کشمیریوں کی نشست پر محمد اقبال کامیاب ہوئے۔
آزاد کشمیر قانون ساز اسمبلی: پی ٹی آئی کے انوارالحق 32 ووٹ لیکر اسپیکر منتخب
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
