اسلام آباد (آئی پی ایس )وزیر اعظم شہباز شریف سے وزیر داخلہ محسن نقوی نے لاہور میں ملاقات کی جس میں ملک کے امن و امان کے حوالے سے تبادلہ خیال کیا گیا۔ وفاقی وزیر داخلہ نے وزیراعظم شہباز شریف کو ملک کے امن و امان کی مجموعی صورتحال پر تفصیلی بریفنگ دی۔
رپورٹ کے مطابق وزیراعظم نے ملک میں امن و امان کے لیے کیے جانے والے اقدامات پر اطمینان کا اظہار کیا۔ رپورٹ کے مطابق ملاقات کے دوران وزیراعظم اور وزیر داخلہ نے ملک کی موجودہ سیاسی صورت حال پر بھی تبادلہ خیال کیا۔
