اسلام آباد(آئی پی ایس )مخصوص نشستوں کی الاٹمنٹ اور خیبرپختونخوا میں سینیٹ انتخابات کے معاملہ پر الیکشن کمیشن کا اہم اجلاس کل طلب کر لیا گیا۔
ذرائع کے مطابق الیکشن کمیشن کا اجلاس کل صبح ساڑھے گیارہ بجے ہوگا، اجلاس میں کے پی سینیٹ انتخابات کے انعقاد سے متعلق غور ہوگا، مخصوص نشستوں کی الاٹمنٹ کا معاملہ ایجنڈا میں شامل ہے۔الیکشن کمیشن اجلاس میں شرکت کے لئے متعلقہ ونگز کو ہدایات جاری کر دی گئیں، اجلاس میں پشاور ہائیکورٹ میں سینیٹ الیکشنز سے متعلق سماعت پر غور ہوگا۔
ذرائع کے مطابق الیکشن کمیشن لا ونگ عدالتی احکامات سے متعلق آگاہ کرے گا، الیکشنز ونگ انتخابی تیاریوں و رکاوٹوں سے متعلق آگاہ کرے گا۔الیکشن کمیشن کے اجلاس میں چیف الیکشن کمشنر سمیت تمام ممبران اور حکام شریک ہوں گے۔
مخصوص نشستیں، خیبرپختونخوا میں سینیٹ انتخابات بارے الیکشن کمیشن کا اجلاس کل طلب
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
