پی آئی اے کی نجکاری تک ایئر وائس مارشل عامر حیات کو سی ای او برقرار رکھنے ، 6ماہ توسیع دینے کا فیصلہ

اسلام آباد(آئی پی ایس )حکومت نے پی آئی اے کی نجکاری تک ایئروائس مارشل عامر حیات کو چیف ایگزیکٹیو آفیسر رکھنے یا 6ماہ توسیع دینے کا فیصلہ کیا ہے۔
تفصیلات کے مطابق قومی ایئرلائن(پی آئی اے)کے چیف ایگزیکٹیو آفیسر(سی ای او)کی تعیناتی کی مدت میں توسیع کا فیصلہ کیا ہے اور حکومت ایئر وائس مارشل عامر حیات کو کی ملازمت میں 6ماہ توسیع پر غور کررہی ہے۔ ایئر وائس مارشل عامر حیات کی پی آئی اے میں بطورسی ای او تعیناتی کی مدت 8 دسمبر کو پوری ہو رہی ہے تاہم اب حکومت نے فیصلہ کیا ہے کہ ایئر وائس مارشل پی آئی اے نجکاری تک بطور سی ای او خدمات جا ری رکھیں گے۔
واضح رہے کہ وزیر اعظم شہباز شریف نے ایئر وائس مارشل عامر حیات کو پی ڈی ایم حکومت میں ایک سال کیلئے سی ای او مقرر کیا تھا۔ پی آئی اے نجکاری عمل کو بہتر انداز میں آگے بڑھانے کیلئے توسیع کا فیصلہ کیاگیا ہے اور وہ ایئر وائس مارشل پی آئی اے نجکاری تک بطور سی ای او خدمات جا ری رکھیں گے۔ پی آئی اے ہولڈنگ کے سی ای او کے خواہشمند 7 امیدواروں کی حکومت کو درخواستیں موصول ہوچکی ہیں۔