لاہور (آئی پی ایس )لاہور میں اسموگ کی وجہ سے قائداعظم ٹرافی کے میچز بھی متاثر ہوگئے، پاکستان کرکٹ بورڈ (پی سی بی) نے لاہور کے میچز دوسرے شہروں میں منتقل کردیے۔لاہور سمیت پنجاب کے مختلف اضلاع میں اسموگ نے ڈیرے ڈال رکھے ہیں، پنجاب میں قائداعظم ٹرافی گروپ سی کے لاہور، ملتان اور شیخوپورہ میں ہونے والے شیڈول میچز ہری پور، صوابی اور آزاد کشمیر کے علاقے میرپور منتقل کردیے گئے۔
ذرائع کے مطابق اتنظامیہ نے میچز منتقلی کا فیصلہ کھلاڑیوں کی صحت کے پیش نظر کیا ہے، اسموگ کی صورتحال بہتر ہونے پر میچز دوبارہ پنجاب میں کرانے پر غور ہوگا۔پنجاب حکومت نے اسموگ کی وجہ سے آوٹ ڈور کھیلوں کو روکنے کا فیصلہ کررکھا ہے جبکہ پی سی بی نے ٹیموں کو ری شیڈول پروگرام سے آگاہ کردیا ہے۔ واضح رہے کہ لاہور، ملتان اور شیخوپورہ میں شیڈول میچز کو دوسرے شہروں میں منتقل کیا گیا ہے۔
