اسلام آباد(سب نیوز )وزیر اعلی خیبرپختونخوا کے ترجمان فراز مغل کا علی امین گنڈاپور کے رابطے سے باہر ہونے کے حوالے سے کہنا ہے کہ کسی کو نہیں معلوم کون کہاں ہے، ہمیں بڑی مشکل سے کے پی ہاس سے نکلنے کا موقع ملا ہے۔علی امین گنڈاپور کے ترجمان کا کہنا ہے کہ علی امین نے ڈی چوک میں احتجاج ریکارڈ کرایا، وہ کارکنوں کو لے کر کے پی ہاس چلے گئے، انہوں نے کارکنوں کو خیبرپختونخوا ہاس بلایا تاکہ وہ کچھ کھا پی سکیں، لیکن کے پی ہاس پر اچانک ہلہ بولا گیا۔
فراز مغل نے کہا کہ دھرنا اور احتجاج ختم کیا جاچکا تھا اور کارکنوں کو گھروں کو جانے کا کہا گیا تھا، لیکن کے پی ہاس ہمارا گھر ہے جس کا تقدس پامال کیا گیا ہے، خیبرپختونخوا ہاس میں سیدھی فائرنگ اور آنسو گیس کی شیلنگ کی گئی، کسی کو نہیں معلوم کون کہاں ہے بڑی مشکل سے وہاں سے نکلنے کا موقع ملا ہے۔
قبل ازیں، ذرائع نے بتایا تھا کہ پولیس اور رینجرز کے دھاوے کے بعد علی امین گنڈاپور خیبرپختونخوا ہاس کے سی ایم کمپانڈ میں بیرسٹر گوہر اور دو اہم شخصیات کے ساتھ موجود تھے۔ بیرسٹر گوہر اور علی امین گنڈاپور کے درمیان احتجاج کے حوالے سے تبادلہ خیال ہوا اور اب وزیراعلی خیبرپختونخوا کو واپس پشاور بھجوائے جانے کا امکان ہے۔ آئی جی اسلام آباد اور ایس ایس پی آپریشنز بھی خیبرپختونخوا ہاس میں موجود ہیں۔تاہم، بیرسٹر سیف کا کہنا ہے کہ گنڈاپور پشاور روانہ ہوتے تو ضرور رابطہ کرتے، علی امین گنڈاپور کا کسی سے بھی رابطہ نہیں ہورہا، ہمیں کوئی علم نہیں کہ علی امین گنڈاپور کہاں ہیں، گنڈاپور گرفتار ہوجاتے ہیں تو پی ٹی آئی کا ہر کارکن لیڈر بن جائے گا۔
