گھوٹکی کے قریب سکھر ملتان ایم فائیو موٹروے پر مسافر بس اور ٹریلر میں تصادم کے نتیجے میں 8 مسافر جاں بحق اور 7 زخمی ہوگئے ہیں۔
موٹروے پولیس کے مطابق، مسافر کوچ پنجاب سے کراچی جارہی تھی، حادثہ ڈرنگ ملوک والی کے قریب پیش آیا، جاں بحق افراد میں 2 خواتین، 3 بچے اور 3 مرد شامل ہیں۔
موٹروے پولیس کا کہنا ہے کہ حادثے کے فوری بعد رینجرز، ریسکیو اہلکاروں اور گھوٹکی پولیس کی بھاری نفری جائے حادثہ پر پہنچ گئی جنہوں نے زخمیوں اور لاشوں کو گھوٹکی اسپتال منتقل کیا۔ حادثے میں تمام زخمیوں کی حالت تشویشناک ہے۔
