نیویارک (سب نیوز )روس کے حملوں کا مقابلہ کرنے کیلیے امریکی صدر جو بائیڈن نے یوکرین کو 5 نئے اسٹریٹجک فضائی دفاعی نظام فراہم کرنے کا وعدہ کرلیا۔ امریکی صدر جو بائیڈن نے واشنگٹن ڈی سی میں نیٹو رہنماں کا خیرمقدم کرتے ہوئے مختصر لیکن سخت الفاظ میں فوجی اتحاد کو “پہلے سے زیادہ طاقتور” قرار دیا۔
امریکا جرمنی، اٹلی، ہالینڈ اور رومانیہ کے ساتھ مل کر یوکرین کی مدد کیلیے پیٹریاٹ میزائل بیٹریاں اور دیگر نظام فراہم کرے گا۔یہ اعلان یوکرین کے دارالحکومت کیف میں روسی میزائل سے بچوں کے اسپتال کو مسمار کرنے کے صرف دو دن بعد سامنے آیا ہے۔ حکام کے مطابق پیر کو ہوئے حملوں میں تقریبا 43 افراد ہلاک اور 100 سے زیادہ زخمی ہوئے جبکہ روس نے حملے کی ذمے داری سے انکار کیا ہے۔
