ممبئی(سب نیوز )بھارت میں ہونے والے لوک سبھا انتخابات کے نتائج آنے کا سلسلہ جاری ہے، وہیں انڈیا کی سابق وزیراعظم اندرا گاندھی کے قاتل کے بیٹے کو بڑی برتری حاصل ہے۔بھارتی میڈیا رپورٹس میں بتایا جارہا ہے اب تک کے نتائج کے مطابق اندرا گاندھی کے قاتل کے بیٹے سربجیت سنگھ کو فرید کوٹ سیٹ پر 48 ہزار ووٹوں کی برتری حاصل ہے۔سربجیت سنگھ کے والد بینت سنگھ ان دو قاتلوں میں شامل تھے جنہوں نے اس وقت کی وزیراعظم اندرا گاندھی کا قتل کیا تھا۔
واضح رہے کہ بینت سنگھ اور ستونت سنگھ اندرا گاندھی کے باڈی گارڈ تعینات تھے اور انہوں نے 31 اکتوبر 1984 کو نئی دہلی میں اندرا گاندھی کی رہائش گاہ کے باہر ان پر گولیاں برسائی تھیں بھارتی الیکشن کمیشن کے مطابق سربجیت سنگھ خالصہ فرید کوٹ میں اپنے قریبی حریف کرم جیت سنگھ انمول کے خلاف 40,000 سے زائد ووٹوں کے فرق سے آگے ہیں۔ سربجیت بھارتی آنجہانی وزیر اعظم اندرا گاندھی کے دو قاتلوں میں سے ایک کے بیٹے ہیں۔
علاوہ ازیں راجشریا جنتا دل (آر جے ڈی) پارٹی کی امیدوار لالو پرساد کی بیٹی کو (بھارتیہ جنتا پارٹی) کے امیدوار پرسبقت حاصل ہے جبکہ کانگریس رہنما راہول گاندھی ویاناڈ اور رائے بریلی میں آگے ہیں۔راہول گاندھی ویاناڈ میں 2 لاکھ اور رائے بریلی میں 1 لاکھ سے زائد ووٹوں کے ساتھ آگے ہیں۔