اسلام آباد (آئی پی ایس )جی ایچ کیو انویسٹیچر کی تقریب جنرل ہیڈ کوارٹرز راولپنڈی میں ہوئی۔ جنرل سید عاصم منیر ، چیف آف آرمی اسٹاف نے آپریشنز کے دوران بہادری کے کاموں اور قوم کے لیے شاندار خدمات پر فوجی جوانوں کو فوجی اعزازات سے نوازا۔ تقریب میں آرمی کے اعلی افسران اور ایوارڈ یافتہ افراد کے اہل خانہ کی بڑی تعداد نے شرکت کی۔
افسران اور جوانوں کو ستارہ امتیاز اور تمغہ بسالت سمیت تمغوں سے نوازا گیا۔ شہدا کے تمغے ان کے اہل خانہ نے وصول کئے۔شہدا اور غازیوں کو شاندار خراج تحسین پیش کرتے ہوئے، سی او اے ایس نے کہا کہ مادر وطن کے دفاع کے لیے جان دینے سے بڑھ کر کوئی چیز نہیں اور ہمارے شہدا کی قربانیاں انتہائی لگن اور قربانی کے جذبے کے ساتھ لڑنے کے ہمارے عزم کو مضبوط کرتی ہیں۔
سی او اے ایس نے شہدا کے بہادر خاندانوں کو ان کے بلند حوصلوں اور ان کی طرف سے دی گئی قربانیوں کی بھی تعریف کی۔ سی او ایس نے کہا کہ شہدا اور غازی ہمارے قومی ہیرو ہیں اور قوم اپنی آزادی اور سلامتی اپنے بہادر جنگجوں کی قربانیوں کی مرہون منت ہے۔ ہمارے شہدا یقینا قوم کے لیے امید اور لچک کی کرن ہیں۔
