فیصل آباد (آئی پی ایس )سابق وفاقی وزیر فواد چوہدری نے 9مئی کے مقدمات کو بے بنیاد اور من گھڑت قراردیتے ہوئے کہا ہے کہ اگر حالات کو سنبھالنا ہے تو یہ جھوٹے کیسز ختم کرنا ہوں گے جبکہ بانی پی ٹی آئی عمران خان کے مقدمات کا اوپن ٹرائل ہونا چاہیے۔
وہ 9 مئی کے گھیرا وجلا وکے مقدمات میں فیصل آباد کی عدالت میں پیش ہوئے جہاں ان کی ضمانت قبل از گرفتاری میں 6 جون تک توسیع کر دی گئی اور انہیں دوبارہ پیشی کا حکم دیا۔اس موقع پر میڈیا سے گفتگو کرتے ہوئے فواد چوہدری کا کہنا تھا کہ عمران خان اس ملک کے شہریوں کی جنگ لڑ رہا ہے، پاکستان میں بنیادی انسانی حقوق ختم ہو چکا ہے۔انہوں نے کہا کہ خواتین کو ایک مقدمہ میں ضمانت ملتی ہے تو دوسرے مقدمے میں ان کو گرفتار کر لیا جاتا ہے۔ حکومت اور پی ٹی آئی کے درمیان مذاکرات کے حوالے سے فواد چوہدری کا کہنا تھا کہ پہلے مذکرات کا ماحول تو بنائیں اس کے بعد ہی مذکرات ہوں گے۔فواد چوہدری کا مزید کہنا تھا کہ موجودہ ملکی حالات کے باعث سرمایہ کار ملک چھوڑ کر باہر جا رہے ہیں، حکومت سرمایہ کاروں کو تحفظ فراہم کرے۔
