اسلام آباد(سب نیوز )اہم آئینی عہدوں کیلئے پیپلز پارٹی کی قیادت کا مشاورتی عمل شروع ہوچکا ہے، ذرائع کا کہنا ہے کہ صدرِ مملکت کے عہدے کیلئے آصف علی زرداری کا نام دیا جائے گا۔ذرائع کے مطابق چیئرمین سینیٹ کے لئے شیری رحمان اور سلیم مانڈوی والا کے ناموں پر غور کیا جا رہا ہے جبکہ اسپیکر کے لئے یوسف رضا گیلانی، خورشید شاہ اور راجا پرویز اشرف کے ناموں پر غور ہورہا ہے۔
خیال رہے کہ ن لیگ کی جانب سے حکومت کی تشکیل کے بعد 25 رکنی وفاقی کابینہ بنائے جانے کا امکان ہے جبکہ ایم کیو ایم کو 3 سے 5 وفاقی وزارتیں دیے جانے پر معاملات زیر غور ہیں۔ایم کیو ایم کی جانب سے خالد مقبول صدیقی، فاروق ستار، سید مصطفی کمال، سید امین الحق اور خواجہ اظہار الحسن کے ناموں پر غور کیا جا رہا ہے۔
ذرائع نے بتایا ہے کہ مسلم لیگ (ن) کی جانب سے 15 سینئر لیگی رہنماں کے نام وفاقی وزرا کے لیے زیر غور ہیں۔ن لیگی رہنماں میں اسحاق ڈار، سردار ایاز صادق، خواجہ آصف، احسن اقبال، مریم اورنگزیب کے نام وفاقی کابینہ کے لیے زیر غور ہیں جبکہ وفاقی کابینہ میں عطا تارڑ، شزا خواجہ کو بھی شامل کیے جانے کا امکان ہے۔ اس کے علاوہ ریاض الحق جج، بلال اظہر کیانی، سردار اویس احمد خان لغاری، ڈاکٹر طارق فضل چوہدری، راجہ قمر اسلام اور رانا تنویر حسین کے نام بھی وفاقی وزرا کے لیے زیر غور ہیں۔
