وفاقی ملازمین کیلئے کم از کم تنخواہ 32 ہزار روپے ماہانہ مقرر

اسلام آباد(نیوزڈیسک)وفاقی حکومت نے سول ملازمین کیلئے کم از کم تنخواہ 32 ہزار روپے ماہانہ مقرر کردی ہے جس کیلئے وزارت خزانہ نے سول ملازمین کیلئے خصوصی الاونس کا نوٹیفکیشن جاری کر دیا۔
نوٹیفکیشن کے مطابق نئے بجٹ میں کم از کم ماہانہ اجرت 32 ہزار روپے مقرر کی گئی تھی کم از کم ماہانہ اجرت کا اطلاق یکم جولائی 2023 سے ہوگا۔
وفاقی سول ملازمین کو کم از کم اجرت یا گراس سیلری 32 ہزارملے گی نوٹیفکیشن کے مطابق وزارت دفاع کے سول یا کنٹریکٹ ملازمین کیلئے بھی کم از کم تنخواہ 32 ہزار مقرر کی گئی ہے تاہم وفاقی حکومت کے بیرون ملک تعینات سول ملازمین پر اطلاق نہیں ہوگا۔