اسلام آباد:پاکستان کی سپریم کورٹ نے سابق فوجی آمر پرویز مشرف کو سزا سنانے والی خصوصی عدالت ختم کرنے کے فیصلے پر اپیل سماعت کے لیے مقرر کر دی ہے.چیف جسٹس قاضی فائز عیسی کی سربراہی میں چار رکنی لارجربنچ 10 نومبر جمعہ کو سماعت کرے گا.جسٹس منصور علی شاہ ،جسٹس امین الدین خان اور جسٹس اطہر من اللہ چار رکنی لارجر بنچ کا حصہ ہیں.خصوصی عدالت ختم کرنے کے لاہور ہائی کورٹ کے فیصلے کے خلاف درخواست گزار نے سپریم کورٹ سے رجوع کیا تھا.سندھ ہائیکورٹ بار ایسوسی ایشن، پاکستان بار کونسل نے سپریم کورٹ سے رجوع کیا تھا.حافظ عبدالرحمان انصاری اور توفیق آصف نے بھی لاہور ہائی کورٹ کے فیصلے کیخلاف سپریم کورٹ سے رجوع کیا تھا.غداری کیس میں خصوصی عدالت نے پرویز مشرف کو سزا موت دی تھی.خصوصی عدالت کے فیصلے کو سپریم کورٹ میں چیلنج کیا گیا. جنوری 2020میں لاہور ہائی کورٹ کے جسٹس مظاہر نقوی کی سربراہی میں تین رکنی بنچ نے خصوصی عدالت غیر آئینی قرار دیدی تھی.
پرویز مشرف غداری کیس، سپریم کورٹ میں سماعت کے لیے مقرر
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
