اسلام آباد (سب نیوز)پاکستان پیپلز پارٹی نے کارکنوں کو بجلی کے بلوں کے خلاف بھرپور احتجاج کی ہدایت کر دی۔سیکرٹری جنرل پاکستان پیپلز پارٹی سید نیئر حسین بخاری کی جانب سے پارٹی کارکنوں کو ہدایت جاری کی گئی کہ بجلی کے بلوں کے خلاف بھرپور احتجاج کریں۔
سید نیئر حسین بخاری کا کہنا تھا کہ مہنگی بجلی کے خلاف سٹی ، یونین کونسل اور تحصیل سطح پر احتجاج کیا جائے۔انہوں نے کہا کہ بجلی کی گردن توڑ قیمتوں کی وجہ سے ملک کا ہر شہری پریشان ہے، پیپلز پارٹی کے کارکن عوام کی آواز بن کر بجلی کی قیمتوں کے خلاف احتجاج شروع کریں۔
