وزیر اعظم نے معذور بچی کے ساتھ زیادتی کی کوشش کا نوٹس لے لیا

اسلام آباد،وزیر اعظم عمران خان نے اوکاڑہ میں معذور کم سن بچی کے ساتھ زیادتی کی مبینہ کوشش کا نوٹس لے لیا۔تفصیلات کے مطابق وزیراعظم عمران خان کا معاملہ نے فوری تحقیقات کا حکم دے دیا، مقدمہ کے تفتیشی افسرکا معذور بچی کی والدہ سے ہی رشوت لینے کا انکشاف ہوا جس کے بعد ڈی پی او اوکاڑہ نے متعلقہ تفتیشی افسر کو معطل کردیا۔بچی کی والدہ نے سٹیزن پورٹل پر شکایت کی جس کے بعد وزیر اعظم نے نوٹس لیتے ہوئے معاملہ کی شفاف تحقیقات کا حکم دے دیا۔وزیر اعظم نے کہا ملزمان کو جلد گرفتار کیا جائے اور فوری قانونی کارروائی کی جائے، وزیراعظم نے ڈی پی او اوکاڑہ کو تحقیقات سے متعلق آگاہ رکھنے کی بھی ہدایت کی ہے۔