اسلام آباد(آئی پی ایس) اطلاعات و نشریات کے سابق وفاقی وزیر فواد چوہدری نے آر آئی یو جے(ورکرز) کے نو منتخب عہدیداران کو مبارکباد دی ہے۔
نو منتخب صدر آر آئی یو جے(ورکرز) مظہر اقبال کے نام اپنے پیغام میں فواد چوہدری کا کہنا تھا کہ یونین کے نو منتخب عہدیداران ایک ایسے وقت میں منتخب ہوئے ہیں کہ جب صحافی برادری شدید مشکلات سے دوچار ہے۔
فواد چوہدری نے امید ظاہر کی کہ آر آئی یو جے(ورکرز) صحافیوں کے مسائل کے حل کے لیے جاندار اور موثر کردار ادا کرے گی۔
