بیجنگ :چینی وزارت خارجہ کی ترجمان ماؤ نینگ نے یومیہ پریس کانفرنس میں روس کی جانب سے برکس پارٹنر ممالک کی فہرست کے اعلان پر تبصرہ کرتے ہوئے کہا کہ گزشتہ سال برکس کی تاریخی توسیع کے بعد یہ برکس کے ترقیاتی عمل میں ایک اور اہم پیش رفت ہے۔
انڈونیشیا، ملائیشیا، تھائی لینڈ، بیلاروس، بولیویا، کیوبا، قازقستان، ازبکستان اور یوگنڈا کا برکس شراکت دار بننا، برکس تعاون کی نئی بلندی تک پہنچنے کی علامت ہے۔برکس میکانزم کی نمائندگی، کشش اور اثر و رسوخ میں مزید اضافہ ہو رہا ہے اور یہ روزبروز گلوبل ساؤتھ میں یکجہتی اور تعاون کو فروغ دینے کے لئے اہم پلیٹ فارم بن گیا ہے۔
