علما کو آپس میں لڑانے والے مخالفین ناکام ہوں گے، مولانا فضل الرحمان

اسلام آباد(آئی پی ایس )جمعیت علمائے اسلام(ف)کے سربراہ مولانا فضل الرحمان نے کہا ہے کہ مدارس مخالفین ناکام ہونگے، مخالفین کا موقف اصولی ،آئینی اور قانونی لحاظ سے کمزور ہے۔
سربراہ جے یوآئی مولانا فضل الرحمان نے جامعہ اسلامیہ میں طلبا سے خطاب کرتے ہوے کہا کہ آج مدارس پر ایک مشکل ضرورہے لیکن ان شااللہ اللہ ہمیں کامیابی دے گا، مدارس مخالفین ناکام ہونگے۔انہوں نے کہا کہ مخالفین کا موقف اصولی ،آئینی اور قانونی لحاظ سے کمزور ہے، علما کو آپس میں لڑا رہے ہیں، علما سب بھائی بھائی ہیں۔
مولانا فضل الرحمان نے کہا کہ اتحاد تنظیمات مدارس میں ہم مختلف مکاتب فکر کو اپنے ساتھ ملائے ہوئے ہیں،اصل دشمن کو تلاش کرنا ہے کہ ہمارے درمیان تفریق کون ڈال رہا ہے۔