برلن (آئی پی ایس )جرمن حکومت خطرے میں پڑ گئی ہے، چانسلر اولاف شلز کے وزیر خزانہ کرسچن لِنڈنر کو برطرف کرتے ہی اپوزیشن نے ان سے فوری اعتماد کا ووٹ لینے اور الیکشن کا مطالبہ کر دیا۔خبر ایجنسی کے مطابق معاشی سمت کے تعین کے حوالے سے جرمن چانسلر اور وزیر خزانہ میں کئی ہفتوں سے تنازع چل رہا تھا۔
گزشتہ روز چانسلر نے وزیر خزانہ کو برطرف کیا تو تین جماعتی اتحاد ٹوٹ گیا، جس کا فائدہ اپوزیشن جماعت کنزرویٹو نے اٹھایا۔اپوزیشن جماعت نے جرمن چانسلر سے فوری اعتماد کا ووٹ لینے اور جرمنی میں انتخابات کروانے کا مطالبہ کیا ہے۔
