واشنگٹن(آئی پی ایس )نومنتخب امریکی صدر ڈونلڈ ٹرمپ کے اتحادی اور ٹیسلا کے مالک ایلون مسک کی دولت میں 26.5 ارب ڈالر کا اضافہ ہوگیا۔امریکی صدارتی انتخابات میں ڈونلڈ ٹرمپ کی جیت امیر ترین افراد کے لیے مالی فوائد لے کر آئی ہے اور دنیا کے سرفہرست ارب پتیوں کی دولت میں ایک ہی دن میں ریکارڈ 64 ارب ڈالر کا اضافہ ہوگیا۔
بلومبرگ کے مطابق سب سے زیادہ فائدہ ٹرمپ کے اتحادی ایلون مسک کو ہوا جن کی دولت میں 26.5 ارب ڈالر کا اضافہ ہوا جبکہ مسک کی کمپنی ٹیسلا کے حصص کی قیمت 14.8 فیصد بڑھ گئی ۔جیف بیزوس اور کوائن بیس کے بانی برائن آرمسٹرانگ نے بھی خوب دولت سمیٹی ۔
ان کی کمپنی کے اسٹاک میں 31 فیصد اضافہ دیکھا گیا ۔ ارب پتیوں کی دولت میں ایک ہی دن میں 64 ارب ڈالر کا یہ اب تک کا سب سے بڑا اضافہ ہے۔
