الجیریا کی خاتون باکسر ایمان خلیف مرد ثابت، میڈیکل رپورٹ لیک

دبئی (آئی پی ایس )الجیریا کی خاتون باکسر ایمان خلیف کی میڈیکل رپورٹ لیک ہو گئی،غیر ملکی میڈیا کے مطابق 25 سالہ باکسر کا رپورٹ میں مرد ہونے کا انکشاف ہوا ہے۔ا یمان خلیف نے رواں سال پیرس اولمپک گیمز 2024 میں بطور خاتون طلائی تمغہ جیتا تھا اور وہ ایونٹ کے دوران اپنی جسامت کی وجہ سے خبروں کی زینت بنی رہی تھیں۔
ایمان خلیف کی میڈیکل رپورٹ لیک ہونے کے بعد سوشل میڈیا پر بھی سامنے آ گئی جس کے بعد اب ان سے سونے کا تمغہ واپس لینے کا مطالبہ کیا جا رہا ہے۔لیک ہونے والی میڈیکل رپورٹ میں طبی حوالے دیے گئے ہیں،واضح رہے کہ پیرس اولمپکس کے ویمن باکسنگ ایونٹ میں اٹلی کی اینجلا کیرنی نے الجیریا کی باکسر ایمان خلیف کے خلاف پہلے رانڈ کے صرف 46 سیکنڈز کے بعد ہی لڑنے سے انکار کر دیا تھا۔
اینجلا کیرنی کا کہنا تھا کہ یہ نا انصافی ہے کیوں کہ ان کے خیال میں الجیرین حریف خاتون باکسر کے معیار پر پورا نہیں اترتیں۔