پشاور: خیبرپختونخوا کے ضلع خیبر کے علاقے سلطان خیل مارکیٹ میں نامعلوم افراد نے مقتول صحافی خلیل جبران کے قائم کردہ اسنوکر ہال کو آگ لگا دی، ساتھ ہی انٹرنیٹ کیفے چلانے والوں کو بھی کاروبار بند کرنے کی دھمکی دی ہے۔
پولیس کے مطابق اسنوکر ہال کو مقتول صحافی خلیل جبران نے تین سال قبل قائم کیا تھا، آگ لگنے سے فرنیچر کو نقصان پہنچا ہے، جبکہ ہال کے شیشے بھی تھوڑ دئے گئے ہیں۔
پولیس کے مطابق دہشت گردی کا یہ واقعہ رات گئے پیش آیا،نامعلوم افراد نے ہال کے باہر پمفلٹس چسپاں کرکے واقعے کی ذمہ داری قبول کرلی۔
پمفلٹس میں کہا گیا ہے کہ سنوکر ہال فحاشی کا اڈہ تھا اس لئے جلادیا، انٹرنیٹ کیفے مالکان بھی اپنا کاروبار بند کردیں، نقصان کی صورت میں نیٹ کیفے مالکان خود ذمہ دار ہوں گے۔
پمفلٹس میں مزید کہا گیا کہ فحاشی کی روک تھام کےلئے ہماری جنگ جاری رہے گی، ہماری جنگ فورسز، خفیہ اداروں اور ان کے جاسوسوں سے ہے۔