مریم نواز آج رات لندن سے پاکستان کیلئے روانہ ہوں گی

لندن:سابق وزیراعظم نواز شریف کے بیٹے حسین نواز نے کہا ہے کہ مریم نواز آج شام پاکستان کیلئے روانہ ہوں گی۔ ذرائع کے مطابق مریم نواز آج رات براستہ دبئی پاکستان کیلیے روانہ ہوں گی۔ انہوں نے لندن میں چار روز قیام کیا۔ مریم نواز نے حسن نواز کے دفتر میں ملاقاتیں کیں۔ ذرائع کے مطابق مریم نواز اپنی بیٹی کے ہمراہ لندن کی ایک یونیورسٹی بھی گئیں، اس کے علاوہ آج نوازشریف، شہبازشریف، اسحاق ڈار اور مریم نواز کی ملاقاتوں کے متعدد دور ہوئے۔ مریم نواز پاکستان میں نوازشریف کے استقبال کی تیاریوں کا جائزہ لیں گی۔