asad qaiser and babar awan 9

حکومت کا اہم قانون سازی اور ریاستی امور نمٹانے کیلئے قومی اسمبلی اجلاس بلانے کا فیصلہ

اسلام آباد(آئی پی ایس )اسپیکر قومی اسمبلی اسد قیصر اور بابر اعوان کی اسپیکر ہاوس میں ملاقات ہوئی ، اہم ملاقات میں قومی اسمبلی کا اجلاس بلائے جانے پر تفصیلی مشاورت ہوئی ،اہم قانون سازی اور ریاستی امور نمٹانے کیلئے اجلاس طلب کرنے پر اتفاق کیا گیا۔اجلاس 22 اکتوبر بروز جمعہ صبح ساڑھے 10 بجے طلب کیا جائیگا۔اس حوالے سے وزارت پارلیمانی امور اجلاس طلب کرنے کی سمری صدر مملکت کو ارسال کرے گی۔بابر اعوان اعوان نے کہا کہ حکومت عوامی اور ملکی مفاد کی قانون سازی میں کسی قسم کی تاخیر نہیں چاہتی، وزیراعظم کی ہدایت پر قانون سازی کا عمل تیز کیا گیا ہے جلد نتائج سامنے آئیں گے۔اسپیکر اسد قیصر نے کہا کہ امید ہے ایوان میں موجود تمام جماعتیں قانون سازی کیلئے موثر اور تعمیری کردار ادا کریں گی، پوری کوشش ہو گی کہ ایوان کا ماحول متاثر ہوئے بغیر قانون سازی کا عمل آگے بڑھایا جائے۔

اس خبر پر اپنی رائے کا اظہار کریں

رائے کا اظہار کریں