sara khan 18

اداکارہ سارہ خان اور فلک شبیر کے ہاں ننھی پری کی آمد

کراچی ، پاکستان شوبز انڈسٹری کی مقبول ترین جوڑی سارہ خان اور گلوکار فلک شبیر کے ہاں بیٹی کی پیدائش ہوئی ہے۔میڈیا رپورٹس کے مطابق گلوکار فلک شبیر نے فوٹو اینڈ ویڈیو شئیرنگ ایپ انسٹاگرام پر مداحوں کو ننھی پری کی آمد کی خوشخبری سنائی۔ گلوکار نے اپنے انسٹاگرام اکاونٹ پر خوبصورت تصویر شیئر کی ہے جس میں انہوں نے اپنے ہاتھوں پر اہلیہ سارہ خان اور اپنی ننھی پری کا ہاتھ رکھا ہوا ہے۔پوسٹ کے عنوان میں فلک نے اپنے مداحوں کو ربیع الاول کے چاند اور جمعہ کی مبارک دیتے ہوئے لکھا کہ آج اس بابرکت دن کے موقع پر اللہ تعالی نے ہمیں اپنی رحمت سے نوازا ہے، بیٹی کی آمد کا اعلان کرتے ہوئے بہت خوشی ہو رہی ہے اور میں اسے بہت پیار کرتا ہوں۔” فلک نے اس خوشی کے موقع پر اللہ تعالی کا شکر ادا کرتے ہوئے کہا کہ انہوں نے اپنی بیٹی کا نام عالیانہ فلک رکھا ہے۔پوسٹ میں انہوں نے اپنے مداحوں کی دعاوں اور محبت کا شکریہ ادا کیا۔واضح رہے کہ گزشتہ برس 18 جولائی کو گلوکار فلک شبیر اور اداکارہ سارہ خان رشتہ ازدواج میں منسلک ہوئے تھے۔

اس خبر پر اپنی رائے کا اظہار کریں

رائے کا اظہار کریں