ملک میں ایک ساتھ الیکشن نہ ہوئے تو بحران آئے گا، رانا ثنا اللہ

اسلام آباد (سب نیوز) اہم فیصلوں کیلئے پارلیمنٹ کا مشترکہ اجلاس جاری ہے۔ جس میں ریاستی عمل داری یقینی بنانے کیلئے اہم فیصلے متوقع ہیں۔سپیکر قومی اسمبلی راجہ پرویز اشرف کی زیر صدارت ہونے والے اجلاس میں خطاب کر تے ہوئے وفاقی وزیر داخلہ رانا ثنا اللہ نے کہا ملک کو سیاسی،انتظامی،عدالتی بحران درپیش ہے،حالات خراب نہیں لیکن خراب کرنیکی کوشش کی جارہی ہے ،ملک میں عدالتی بحران پیداکیاجارہاہے۔انہوں نے کہا پارلیمنٹ ان3نقاط پربحث کریاوررہنمائی دے۔حکومت،قوم اوراداروں کو3نقاط پررہنمائی کی ضرورت ہے۔
وزیر داخلہ نے کہا پارلیمنٹ کسی بھی اختیارکوبڑھا اور کم کرسکتی ہے،پارلیمنٹ کوآئین میں ترمیم کابھی اختیارہے،ان اداروں کی حدود پارلیمنٹ کی مرہون منت ہے،اداروں کی اپنی حدوداوراختیارہیں،پارلیمنٹ سے افضل کوئی ادارہ نہیں۔راناثنااللہ نے کہا پاکستان کی افواج دہشتگردی کیخلاف کامیابیاں حاصل کررہی ہے،پاکستان آرمی کے افسران فرنٹ سے لیڈکرتے ہیں،کل پاک فوج کے جوانوں نے جام شہادت نوش کیا۔
انہوں نے کہا اہم تعیناتی متنازع بنانے کیلئے وزیرآبادواقعہ استعمال کرنیکی کوشش کی گئی،کہہ رہاتھاراناثنااللہ کوچھپنے کی جگہ نہیں ملے گی،26 نومبرکہاانسانوں کاسمندرلیکرآئوں گا،سیاسی عدم استحکام تک ملک میں معاشی استحکام نہیں ہوگا۔
وفاقی وزیر نے کہا 25 مئی کے بعد عمران نے دوبارہ جلسے اورریلیاں کیں،اس کے بعداحتجاج کیاگیا،اسلام آبادبند کرنے کا کہا گیا، کہاگیاکہ یہ امپورٹڈحکومت ہے،باہرسے آئی ہے۔
راناثنااللہ نے کہا ہٹلرنہ آیاہوتاتوجرمن قوم دنیاکولیڈکررہی ہوتی،ہٹلر کے وقت بھی کہاگیااس کاادراک نہ کیاتوملک کو حادثے سے دوچارکردیگا،ہٹلربھی جوشیلی تقریرکرتھا،لوگوں کے ذہنوں پراثرکرتاتھا،قوم نے اس کی شناخت نہ کی تویہ ملک کوحادثے سے دوچارکردیگا۔
انہوں نے کہا عمران فتنہ اورفساد ہے،اسے اس کے علاوہ اس کو کوئی کام نہیں آتا،گزشتہ10،11ماہ میں سیاسی،انتظامی بحران پیداکرنیکی کوشش کی گئی۔
انہوں نے کہاآج آپ کوویڈیولیکس پرغصہ آتاہے،ایک خاتون کو وزیراعظم ہاوس میں حبس بیجامیں رکھاگیا،چیئرمین نیب کی ویڈیولیک کی انکوائری نہیں ہوئی،چیئرمین نیب نے استعمال ہونے سے انکارکیاتواس کی ویڈیولیک ہوئی،مخالفین کیخلاف جھوٹے کیسزاور نیب کواستعمال کیاگیا۔